Աորտայի շերտազատված անևրիզմա. armeniamedicalcenter.am

Աորտայի կրծքային հատվածի շերտազատված անևրիզման հաճախ արտահայտվում է հետևյալ դեպքերում.

•  երկարատև արտերիալ հիպերտոնիա,
•  աորտայի արտահայտված աթերոսկլերոզ,
•  աորտայի սիֆիլիտիկ ախտահարում,
•  Մարֆանի համախտանիշ
•  Կրծքավանդակի ծանր տրավմաներ:

Տարբերում են անևրիզմայի շերտազատում՝

•  պրոքսիմալ,
•  դիստալ

Ինտիմայի (զարկերակների կամ երակների ներքին շերտը) պատռվածքը աորտայի պրոքսիմալ շերտազատման ժամանակ հաճախ տեղի է ունենում աորտալ օղակից 2,5 սմ հեռավորությամբ: Պրոքսիմալ տեղակայման դեպքում առաջանում է հեմոպերիկարդ, աորտալ փականի անջատում, ծանր աորտալ անբավարարություն, կորոնար զարկերակների /հաճախ՝ աջակողմյան/ օկլուզիա:

Դիստալ տեղակայման դեպքում ինտիմայի պատռվածքը հաճախ լինում է անմիջապես ձախ ենթանրակային զարկերակի դուրս գալուց հետո: Շերտազատման տարածումը պրոքսիմալ ուղղությամբ բնորոշ չէ, հեմոպերիկարդ և աորտալ անբավարարություն սովորաբար չեն լինում: Ցավը, որպես օրենք, ինտենսիվ է ռեֆրակտեր նիտրատների նկատմամբ և կապված չէ ֆիզիկական ծանրաբեռնվածության հետ, բնորոշ է կրծոսկրի շրջանի տեղակայումը, հնարավոր է տարածում դեպի պարանոց, ստորին ծնոտ, կրծքավանդակի երկու կողմեր:

Ցավային ախտանիշը շատ նման է միոկարդի ինֆարկտի և ստենոկարդիայի ծանր նոպայի ցավին: Այն կարող է տևել ժամերից մինչև մի քանի օր: Օբյեկտիվ դիտվում են անոթային խրձի սահմանների լայնացում, սրտի տոների արտահայտված խլացում, կարող է լինել դեմքի ցիանոզ, լծային երակների լայնացում: Ելքը հաճախ բարեհաջող չէ:

Հարցեր, պատասխաններ, մեկնաբանություններ